Təhsil Nazirliyinin 3 milyon manatlıq tenderi “tapılıb”

Təhsil Nazirliyinin 3 milyon manatlıq tenderi “tapılıb”

Təhsil Nazirliyi özünün müxtəlif məqədlə elan etdiyi 2 tenderinin nəticəsini açıqlayıb.

Təhsil Nazirliyinin Təsərrüfat hesablı əsaslı tikinti və təchizat idarəsinin tender komissiyası bildirir ki, tələbatın formalaşdırılması və topdanalınması üçün 29 oktyabr 2019-cu il tarixində elektron qaydada həyata keçirilmiş açıq tender prosedurunun nəticəsinə əsasən, «Smart Solyuşns» MMC qalib elan edilib və həmin təşkilatla DV ilə birlikdə 29 452 manat məbləğində müvafiq satınalma müqaviləsi imzalanıb.

Nazirliyin ikinci tenderi daha maraqlıdır. Rəsmi açıqlamayı görə, Təsərrüfat hesablı əsaslı tikinti və təchizat idarəsinin tender komissiyası bildirir ki, 282100 «Sair xərclər» maddəsi üzrə malların satın alınması məqsədilə, 18 oktyabr 2019-cu il tarixində elektron qaydada həyata keçirilmiş açıq tender prosedurunun nəticəsinə əsasən, «Simplex» QSC qalib elan edilib və həmin təşkilatla 3 373 117 manat məbləğində müvafiq satınalma müqaviləsi imzalanıb.

Bununla yanaşı, qeyd etmək lazımdır ki, rəsmi mətbuatda eyni vaxtda açıqlanmasına baxmayaraq dövlət satınalmaları portalında 3 milyonluq tenderin elanı və nəticələri barədə məlumat yerləşdirilməyib. Halbuki, 29 min manatlıq tenderdə bu məlumatlar açıqlanmışdı. /"FED”

Miq.Az



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az