Alimlərimizdən Araz Əlizadəyə TƏRS SİLLƏ: "...Millətə qarşı təhqirdir"

Alimlərimizdən  Araz Əlizadəyə TƏRS SİLLƏ:

"Tanınmış jurnalist, öz həyatını riskə ataraq Azərbaycan həqiqətlərini Rusiya mediasında mütəmadi şəkildə qətiyyətlə müdafiə edən, Rusiya telekanallarında təşkil olunan tok-şoularda erməni qruplaşmalarının və onların havadarlarının hücumlarına bir çox hallarda təkbaşına sinə gərən qeyrətli soydaşımız Fuad Abbasovun Moskvada əsassız olaraq həbs olunaraq döyülməsi hər bir Azərbaycanlıda haqlı olaraq etiraz və qəzəb doğurdu. Müxtəlif səviyyələrdə Fuadın azad olunması üçün müraciətlər olunur, sosial şəbəkələrdə və mediada minlərlə insanlar öz etirazlarını bildirir, Fuadın azad olunması üçün imza toplama kampaniyaları keçirilir. Fuad Abbasova qarşı törədilən bu haqsızlıq qardaş Türkiyədə də etiraz dalğası oyatmışdır. Hətta Rusiyanın özündə buna öz qəti etirazını bildirən jurnalistlər də oldu."


Bu fikirləri Miq.Az saytına açıqlamasında  AMEA-nın bir qrup əməkdaşı  bildirdi. Alimlər bu mövzu ilə  saytımıza maraqlı təkliflə də çıxış ediblər:

"Fuad Abbasova qarşı həyata keçirilən bu aksiya, Azərbaycan cəmiyyətində haqlı olaraq dərin narazılıq doğurduğu və kütləvi şəkildə etiraza səbəb olduğu halda Milli Məclisin deputatı statusunda olan birisinin, bu məsələ ilə bağlı sərsəm fikirlər səsləndirməsi Azərbaycan cəmiyyətinə etinasızca meydan oxumaqdan başqa bir şey deyil! 

Fuad Abbasov azərbaycanlıdır və öz çıxışları ilə, xüsusilə Qarabağ müharibəsi, Azərbaycan-Ermənistan münaqişəsi ilə bağlı məsələlərdə hər zaman Azərbaycan maraqlarını müdafiə etdiyini sübut etmişdir. Bunun sayəsində o, hansı dövlətin vətəndaşı olmasından asılı olmayaraq öz soydaşlarının rəğbətini, hörmətini və sevgisini qazanmışdır. Özünü Azərbaycanlı hesab edən hər kəs Fuad kimi qeyrətli oğulları ilə fəxr edir və onları müdafiə etməyi özünə borc bilir. Belə olduğu halda Araz Əlizadə kimilərin müxtəlif səfeh bəhanələrlə Fuad kimi oğullarımızı gözdən salmaq cəhdləri yalnız ikrah hissi doğurur!" 

AMEA-nın  bir qrup alim əməkdaşları saytımıza açıqlamasında daha sonra qeyd etdilər ki, bu kimi açıqlamaları ilə Araz Əlizadə ilk növbədə onu seçən 40 minə qədər Azərbaycan vətəndaşını təmsil etmək hüququna məsuliyyətsiz yanaşdığını, onların fikirləri ilə hesablaşmadığını açıq nümayış etdirmişdir. Eyni zamanda Fuad Abbasovu aşağılamaq cəhdləri ilə Araz Əlizadə, ümumiyyətlə, Azərbaycan xalqının rəyinə və heysiyyatına da hörmətsizlik göstərmişdir. Belə bir adamın böyük bir seçici təbəqəsini təmsil etməsi ən azı millətə qarşı təhqirdir. 
Belə olduğu halda Araz Əlizadənin seçiildiyi 35 saylı Xətai 3-cü seçki dairəsinin sakinlərinə müraciət edərək onu geri çağırmağa və məsuliyyətə cəlb etməyə çağırırıq.

Elmin Aqiloğlu
Miq.Az

 


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az