Azərbaycan bizə dəvət göndərdi – Aİ açıqladı

Azərbaycan bizə dəvət göndərdi – Aİ açıqladı

Azərbaycan Avropa İttifaqına prezident seçkilərini izləmək üçün dəvət göndərib.

APA-nın məlumatına görə, bu barədə Avropa İttifaqının Azərbaycandakı nümayəndəliyinin rəhbəri Kestutis Yankauskas bildirib.

"Seçki ölkənin həyatında vacib hadisədir. Avropa İttifaqı ilə Azərbaycan arasında Əməkdaşlıq Şurasının 1 həftə əvvəl Brüsseldə 5-ci iclası oldu. Azərbaycanı nazir Elmar Məmmədyarov təmsil etdi. Seçkilər müzakirə mövzularından biri idi. Xanım Moqerini bildirdi ki, biz ilk növbədə seçkilərin açıq və demokratik keçiriləcəyinə ümid edirik. Azərbaycan dəvət göndərib. Avropa İttifaqı hər zaman ATƏT-in Demokratik Təsisatlar və İnsan Haqları Bürosunun təcrübəsinə əsaslanır. Bilirəm ki, onlara da dəvət göndərilib. Hazırda bu məsələyə baxılır", - deyə vurğulayıb.

Qeyd edək ki, Azərbaycanda prezident seçkiləri aprelin 11-də keçiriləcək.

Miq.Az



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az