Azərbaycan Gorus-Qafan yolunda İran avtobuslarını da yoxlayır

Azərbaycan Gorus-Qafan yolunda İran avtobuslarını da yoxlayır

Bu barədə Ermənistanın Aysor.am nəşri Goris merinin müavini Karo Köçəryana istinadən məlumat yayıb.
 
O qeyd edib ki, polis postunun yaxınlığında əhəmiyyətli qüvvələr cəmləşib.
 
"Azərbaycanlılar erməni maşınlarını saxlamasalar da, dayanmağa da icazə vermirlər. Bizim maşınları buraxırlar və İran nömrələri olan avtomobilləri yoxlamağa başlayırlar ", - Köçəryan əlavə edib.
 
Xatırladaq ki, Gorus-Qafan yolunun 20 km-dən çoxu Azərbaycan ərazisindən keçir (Qubadlı rayonunun Eyvazlı kəndi). Məhz bu ərazidə Daxili İşlər Nazirliyi və Dövlət Gömrük Komitəsinin xüsusi bölmələri yerləşdirilib.
 
Nəqliyyat vasitələrinin yoxlanılması çoxsaylı İran yük maşınlarının Qarabağdakı Rusiya sülhməramlılarının məsuliyyət zonasına qanunsuz daxil olmağa başlamasından sonra başlayıb. Onların marşrutu Gorus-Qafan magistral yolundan keçir.
 
Sentyabrın 12-dən etibarən Azərbaycan gömrükçüləri ölkə ərazisindən keçən İran avtomobillərindən dövlət rüsumu almağa başlayıb.(Virtualaz.org)

Miq.Az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az