“Azərbaycan razı deyil, ancaq...” - Paşinyandan Qarabağ açıqlaması

“Azərbaycan razı deyil, ancaq...” - Paşinyandan Qarabağ açıqlaması

ATƏT-in Minsk qrupunun həmsədrləri 20 ildən çoxdur Dağlıq Qarabağ münaqişəsinin həlli ilə məşğuldur. Lakin həll prosesində hansısa irəliləyiş yoxdur.

Bunu Ermənistanın Baş naziri Nikol Paşinyan deyib.

Baş nazir bu illər ərzində münaqişə tərəflərinin çoxlu sayda itkilər verdiyini bildirib: "Qarşıdurma minlərlə insanın həyatına son qoydu. Hələlik səylər nəticə vermir”.

Nikol Paşinyan Azərbaycanın Dağlıq Qarabağdakı rejimin prosesə dialoq cəlb edilməsinə razı olmadığını diqqətə çatdırıb: "Lakin biz hesab edirik ki, Dağlıq Qarabağın statusunu bu bölgədə yaşayan insanlar müəyyən edə bilərlər”.

Baş nazir münaqişənin hərbi yolla həll variantının təhlükəli olduğunu vurğulayıb: "Sülhə nail olmaq üçün səyləri artırmaq lazımdır”.

Miq.Az



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az