Azərbaycanda 2500 hektar yaşıllıq ərazisi məhv edildi — ŞOK İDDİA (VİDEO)

Azərbaycanda 2500 hektar yaşıllıq ərazisi məhv edildi — ŞOK İDDİA (VİDEO)

Şəkinin Cunun və Baş Layısqı kəndləri ətrafında 2500 hektar kolluq ərazinin kürünməsinə razılıq verilib.

 
Miq.Az xəbər verir ki, bu barədə sosial şəbəkədə Cavid Qara məlumat yayıb.
 
Məlumatda bildirilir ki, Ekologiya və Təbii Sərvətlər Nazirliyi bu hadisəyə göz yumu: "Son illər meşə fondu torpaqlarının, Ekologiya və Təbii Sərvətlər Nazirliyinin təbiri ilə desək, "kol-kos” adı ilə bağ salınması məqsədi ilə (aqrobağ deyirlər) uzunmüddətli – 49 illik, iri biznesmenlərə icarəyə verilməsi adi hal alıb. Son bir ildə isə ən pik həddə çatıb. Söhbət min hektarlarla kolluq-meşəlik-çay yatağı ekosistemlərindən gedir. Bu ərazilərin zəngin flora və fauna ehtiyatları ilə yanaşı, su, torpaq qoruyucu funksiyaları və seldaşqınlarının dağıdıcı təsirinini minimuma endirmək funksiyası var".
 
İddia olunur ki, 500-1000 hektara yaxın ərazi, demək olar ki, tamamilə kürünüb: "Bu cür hallar Qax Şəki ərazisində özünü daha qabarıq şəkildə göstərir. Qaxın Qaşqaçay ərazisində, Şəkininin Bideyiz və Köbər Zəyzit kəndləri ətrafında razılaşdırılmış 500-1000 hektara yaxın ərazi, demək olar ki, tamamilə kürünüb (ərazinin genişlənmə potensialı çoxdur), Şəkinin Cunun və Baş Layısqı kəndləri ətrafında 2500 hektar kolluq ərazinin kürünməsinə razılıq verilib. Bu ekoloji cinayətdir, səhralaşmadır, sel daşqınları təhlükəsinin artmasıdır".
 
Daha sonra əlavə olunub ki, yerli meşə təsərrüfatı işçiləri bu işlərin Prezidentin fərmanı əsasında görüldüyünü iddia edirlər: "Ekologiya və Təbii Sərvətlər Nazirliyinin açıqlamasına görə məhsuldarlıq və məşğulluq adına görülən bu işlər əslində səmimiyyətdən və strateji hədəflərdən çox uzaqdır və yalnızca bir qrup məmur-biznesmenin marağına xidmət edir. Kənd sakinləri narazılıqlarını bildiriblər, amma daha açıq etirazdan qorxurlar. Aidiyyatı qurumlar prezidentin fərmanını əsas gətirirlər. Söhbət hansı fərmandan gedir bilən yoxdur. Kənd sakinləri mal qarasını otarmaq üçün otlaqlarını itirir. Vaxtı ilə otarmaya belə maneə yaradan, kənd sakinlərini cərimə edən Ekologiya və Təbii Sərvətlər Nazirliyi isə bu cinayətlərə nəinki göz yumur, daha böyük ərazilərin kürünməsi üçün investor axtarışındadır”.

Məlumatda o da qeyd olunub ki, kənd təsərrüfatı məhsullarının tədarükü və satışı bir qrup şəxsin əlində cəmlənib və qiymətlər süni şəkildə aşağı salınır. İnsanlar öz məhsullarını ya dəyər dəyməzinı satır ya da sərf etmədiyi üçün heç yığmırlar. Məcbur qalıb, bu cür iri fermalarda əsasən mövsümi işlərdə ucuz işçi qüvvəsi kimi işləməli olurlar.
 
Lentə alınan video və fotolar isə Şəki rayonu Köbər Zəyzit və Bideyiz kəndləri arasındakı ərazilərdə çəkilib. Yol qırağı 50-100 metr zolaq saxlamaqla yüzlərlə hektar kolluq meşəliklər kürünüb və işlər davam edir. Ərazidə 10-a yaxın texnika və bir neçə iri çadırdan ibarət düşərgə var.

Şəki şəhər icra başçının müavini - İctimai-siyasi və hümanitar məsələlər şöbəsinin müdiri Zərinə Cavadova arqument.az-a açıqlamasında məlumatı təkzib edib: "Yalan məlumatdır, icra hakimiyyətinə bu barədə hər hansı bir məlumat daxil olmayıb”.
[video=http:// ]
Miq.Az




İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az