Bakı-Şamaxı yolunun sürüşmə zonası ilə bağlı qərar verildi

Bakı-Şamaxı yolunun sürüşmə zonası ilə bağlı qərar verildi
Bakı-Şamaxı-Yevlax avtomobil yolunun 16 kilometrlik sürüşmə zonasına düşən hissəsi yenidən qurulacaq.

Bu barədə Trend-ə açıqlamasında "Azərbaycan Avtomobli Yolları” Dövlət Agentliyinin mətbuat xidmətinin rəhbəri Anar Nəcəfli deyib.
Qurum rəsmisi bildirib ki, yolun 101-ci kilometrliyindən 117-ci kilometrliyinə qədər olan hissəsinin yenidən qurulması üçün sənədlər hazırlanıb, layihə təsdiqlənib: "Artıq yolun həmin hissəsinin əsaslı qurulmasına başlanır, hazırlıq işləri görülüb. Yaxın günlərdə yolun təmirinə start veriləcək”.
A.Nəcəfli bildirib ki, yenidənqurma zamanı yoldakı aşınma, çökmə və sürüşmənin qarşısı tam alınacaq, yolda mühəndisi qurğular, istinad divarları qurulacaq, sıvaylar vurulacaq: "Yol ümumilikdə 2-ci texniki dərəcədən 1-ci texniki dərəcəyə təkmilləşdiriləcək”.
Xatırladaq ki, adıçəkilən ərazi sürüşmə zonası olduğundan həmin yolda tez-tez çökmə və sürüşmə halları baş verir.
 
Miq.az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az