Bakıdan uçan təyyarədə erməni filmi... - Foto

Bakıdan uçan təyyarədə erməni filmi... - Foto

Birləşmiş Ərəb Əmirliklərinin (BƏƏ) gündəlik Bakı-Dubay-Bakı aviareyslərini həyata keçirən "Fly Dubai” şirkətinin təyyarələrində erməni filmi - "Spitak” nümayiş etdirilir.

Miq.Az xəbər verir ki, bu barədə Report-a Dubaydan Bakıya uçan təyyarənin sərnişinlərindən biri məlumat verib.

Sərnişin Azərbaycanla Ermənistan arasında Dağlıq Qarabağla bağlı münaqişənin davam etdiyi şəraitdə belə hala rast gəldiyi üçün təəssüf hissi keçirdiyini bildirib və bu cür halın qəbuledilməz olduğunu vurğulayıb: "Görünür ki, Azərbaycana uçuşlar həyata keçirən "Fly Dubai” ölkəmizin maraqlarını nəzərə almır. Ermənistan 30 ilə yaxındır ki, Azərbaycan ərazilərinin 20%-ni işğal altında saxlayır, təcavüzkar siyasətini davam etdirir. Azərbaycana uçuşlar həyata keçirən şirkətlər, o cümlədən "Fly Dubai” belə məsələlərdə diqqətli olmalıdır. Həmin aviaşirkət Ermənistana uçuşlar həyata keçirsə belə, bu cür hal narazılıq doğura, vətəndaşların "Fly Dubai”dan imtina etməsinə səbəb ola bilər", - deyə o, qeyd edib.

Aviadaşıyıcının ictimaiyyətlə əlaqələr üzrə mütəxəssisi Houda Al Kaissi bildirib ki, "Fly Dubai”ın təyyarələrinin əyləncə sistemində 1 000 saatdan çox müxtəlif dillərdə kontent var və bu kontentlər bütün uçuşlar zamanı nümayiş edilir: "Bu məsələdə ölkələrdən asılı olaraq fərdi yanaşma yoxdur".

Xatırladaq ki, Ermənistanın Azərbaycana hərbi təcavüzü nəticəsində 1 milyondan artıq ölkə vətəndaşı məcburi köçkün vəziyyətinə düşüb, 20 min nəfər hərbi əməliyyatlar dövründə həlak olub, 50 min nəfər əlil olub. 4 minə yaxın azərbaycanlı itkin düşüb, onların arasında 67 uşaq, 265 qadın, 326 qoca olub. Bu şəxslərin aqibəti barədə məlumat yoxdur. 2 mindən çox azərbaycanlı isə ermənilər tərəfindən əsir götürülüb.

Miq.Az



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az