“Bəzi icra başçıları biznesmenləri sıxışdırır, pullarını alırlar” – Deputat

“Bəzi icra başçıları biznesmenləri sıxışdırır, pullarını alırlar” – Deputat

"Bölgələrdə bəzi İcra Hakimiyyətlərinin başçıları yerli biznes nümayəndələri sıxışdırır, onlara aid olmayan işlərə cəlb edir, vəsaitlərini, pullarını əllərindən alırlar”.


APA-nın məlumatına görə, bunu deputat Fazil Mustafa Milli Məclisin İnsan hüquqları komitəsində Ombudsmanın illik hesabatının müzakirəsi bildirib. Deputata deyib ki, bu yaxınlarda bir rayonda İcra Hakimiyyəti başçısının biznesmeni təzyiqə məruz qoyması, pulunu geri qaytarmaması və həmin şəxsin aclığa başlaması ilə bağlı məlumatlar ciddi narazılıq yaradıb: "Təəssüf ki, bu məsələ Ombudsmanın hesabatına salınmayıb. Hələ plenar iclasadək vaxt var, yaxşı olardı ki, bu məsələ də Ombudsmanın məruzəsinə salınsın. İcra Hakimiyyəti başçıları görsünlər ki, onların qanunsuz əməlləri nəzərdən qaçırmır”.

Deputat Hikmət Məmmədov isə həmkarından konkret olaraq həmin İcra Hakimiyyəti başçılarının adlarının açıqlamasını xahiş edib.

 
Miq.az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az