Bu NATO ölkəsi Bakı ilə hərbi sənəd imzalayır

Bu NATO ölkəsi Bakı ilə hərbi sənəd imzalayır

Latviya Nazirlər Kabinetinin sabahkı iclasında Azərbaycanla müdafiə sahəsində əməkdaşlıq üzrə sənədlər paketi müzakirəyə çıxarılacaq.

Miq.Az xəbər verir ki, bu məlumatı "Bb.lv” saytı yayıb. Məlumata görə, sənədi Latviya müdafiə naziri Artis Pabriks təqdim edəcək. Müzakirəyə təqdim edilən sənədin konfidensial xarakter daşımadığı bildirilib.

Yeni sənəddə Azərbaycanla Latviya arasındakı əməkdaşlığın milli maraqlara xidmət etdiyi və heç bir üçüncü dövlətə qarşı yönəlmədiyi vurğulanıb. Ümumilikdə sənəddə 15 istiqamətdə əməkdaşlığın müəyyən edildiyi bildirilib. Bunlar sırasında siyasətdən dalğıcların hazırlığı strategiyaya qədər, bir sıra istiqamətlərin yer aldığı qeyd edilib.

Tərəflərin hərbi sənaye kompleksi sferasında, hərbi geodeziya, topoqrafiya, informasiyası və meteorologiya, hərbi tibb, logistika sahəsində də qarşılıqlı fəaliyyəti gücləndirmək niyyətində olduğu bildirilib.

Bundan başqa tərəflərin hər il tədbirlər planı hazırlayacağı və qarşılıqlı səfərlər təşkil edəcəyi deyilib.

Sayt sənədin NATO rəhbərliyi ilə razılaşdırıldığını yazıb. Üstəlik, bunun sayəsində Bakıya dəstəyin verildiyi vurğulanıb.

Miq.Az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az