Deputat: “Biz Ermənistana hücum edə bilərik”

Deputat: “Biz Ermənistana hücum edə bilərik”

"Ermənistanın düşmən dövlət olması - bizə hücum etməsi, ərazimizi işğal etməsi - beynəlxalq hüquqa görə özümüzü müdafiə etmək haqqımızı aktuallaşdırır. Özünümüdafiə haqqının gerçəkləşdirilməsi hücuma məruz qalmış dövlətin ərazisi ilə məhdudlaşdırılmır. Yəni özünü müdafiə edən dövlət müdafiəsini yalnız öz ərazisində qurmağa borclu deyil. Hücuma məruz qalmış dövlət, özünümüdafiə məqsədləri üçün, ona hücum etmiş dövlətin ərazisində də hərbi əməliyyatlar apara bilər”.

Miq.Az-ın xəbərinə görə, bunu Milli Məclisin deputatı Erkin Qədirli deyib.

E.Qədirli qeyd edib ki, bu, BMT Nizamnəsinin 51-ci maddəsinin tekstindən və kontekstindən də anlaşılır: 

"Orada xüsusilə vurğulanır ki, "bu Nizamnamədə heç nə hücuma məruz qalmış BMT üzvünün ayrılmaz haqqı olan fərdi və ya kollektiv özünümüdafiəsini əngəlləmir". Burada "heç nə" sözləri çox önəmlidir. Yəni, başqa hallarda digər dövlətə hücum etmək qadağan olunursa, özünümüdafiə məqsədləri üçün bu, icazəli sayılır. Odur ki, biz müdafiəmizi yalnız öz ərazimizdə qurmağa borclu deyilik. Biz Ermənistana hücum edə bilərik. Beynəlxalq hüquq bunu bizə qadağan etmir. Bunu ona görə yazdım ki, hərdən biz tərəfdən (hökumətdən, müxalifətdən və s.) kimsə Ermənistana hücum haqqında danışarsa, burada beynəlxalq hüquqa zidd heç nə olmayacaq (biz tərəfdən təcavüz sayılmayacaq). Yetər ki, legitim hərbi hədəflərlə legitim olmayan mülki hədəfləri qarışıq salmayaq. Əslində, Prezidentin o gün dediyi kimi, Ermənistan bizimlə təkbətək savaşarsa, gedişat belə ola bilər: 1) Naxçıvandan ordumuz hücum edir və Mehrini alaraq Ermənistanın İrana yolunu bağlayır; 2) eyni zamanda ordumuz Ermənistanın şimalına hücum edir və onun Gürcüstana yolunu bağlayır; 3) Ermənistan məcbur olur qoşunlarının önəmli hissəsini Qarabağdan çəksin ki, öz ərazisini müdafiə edə bilsin; 4) bu zaman da ordumuz əsas hücumunu Qarabağda başlayır. Beynəlxalq hüquqa görə bunu etməyə haqqımız var. Yalnız, bunun üçün gərək gerçəkdən Ermənistanla təkbətək olaq. Ermənistanın ərazisində hərbi əməliyyat aparmağımıza mane olan beynəlxalq hüquq deyil, Rusiyadır”.

Miq.Az



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az