Dünya pandemiyadan əvvəlki vəziyyətə qayıtmayacaq - BMT

Dünya pandemiyadan əvvəlki vəziyyətə qayıtmayacaq - BMT

Dünyanın koronavirus pandemiyasından əvvəlki vəziyyətə qayıda biləcəyi ağlabatan görünmür. 

Moderator.az TASS-a istinadən xəbər verir ki, bu barədə BMT-nin Cenevrə ofisinin baş direktoru Tatyana Valovaya "Pandemiya və inteqrasiya: təhlükə, yoxsa inkişaf amili?” adlı müzakirə zamanı bildirib.
 
"Əsas məsələ yeni vəziyyətin necə olacağıdır. Milliyətçilik, iqtisadi və sosial məsələlərdə yerli imkanlara arxalanmaq meylimi, yoxsa əməkdaşlıq və inteqrasiya meylimi üstün gələcək?”, - deyə sual verən BMT rəsmisi sonuncu ehtimalının gerçəkləşəcəyi qənaətindədir:

"Tarixdən görürük ki, böyük təhlükələrdən sonra bəşəriyyət həmişə doğru qərarlar verib. BMT və ya Avropa iqtisadi qurumlarının yaradılmasını buna misal göstərmək olar. Yəni qarşıda ümumi düşmən görəndə insanlar birləşməyə razı olur”. 

Diplomatın fikrincə, hələ pandemiyadan xeyli əvvəl dünyanın qədəm qoyduğu "əsrlər ərzində bir dəfə baş verən" köklü dəyişiklik mərhələsi pandemiya nəticəsində daha da sürətlənib və insanlar bir-birindən nə qədər asılı olduqlarına bir daha əmin oldular.
 
Miq.Az
 



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az