Əli Həsənova məxsus bina boşaldılır

Əli Həsənova məxsus bina boşaldılır

Beynəlxalq Mətbuat Mərkəzi (BMM) Prezidentin keçmiş köməkçisi Əli Həsənovun nəzarətindən çıxır. 

Yenisabah.az-a daxil olan məlumatlara görə, yaxın günlərdə BMM-in boşaldılmasına başlanılacaq. 

Əli Həsənov tutduğu vəzifəsindən azad ediləndən sonra BMM fəaliyyətini dayandırmışdı. Mərkəzin konfrans zalı təşkilatlardan birinə icarəyə verilmişdi. 

BMM-in yerləşdiyi binanın bütövlükdə Əli Həsənova məxsus olması barədə iddialar var. Həmin binada Prezidentin keçmiş köməkçisinin nəzarətindən olan media quruluşları və təşkilatların yerləşməsi bu iddiaların əsassız olmadığına şübhələri artırır. 

Məlumatlarda qeyd edilir ki, Əli Həsənovu təkcə BMM-i deyil, bütövlükdə binanı itirə bilər. Xəbərə görə bu ayın sonuna kimi binanın tam boşaldılması tələb olunub. Artıq bir sıra media şirkəti binanı tərk edib. Banklardan biri filial üçün kirayə götürdüyü otaqları təhvil verib. 

Ümumilikdə isə bu vaxta qədər həmin binada BMM-dən başda bu təşkilatlar fəaliyyət göstərib: "Kaspi” qəzeti, Sputnik.az, Bilik Fondu, "Azərbaycan müəllimi” qəzeti, "Strategiya” jurnalı, Aznews.az saytı, Kaspi Art, Burc fm, Araz fm, Azərbaycan Beynəlxalq Bankın filialı... 



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az