EuroHome"da mağazası yanan sahibkarlar aksiyaya başladı (FOTOLAR)

EuroHome

"EuroHome" tikinti materialları bazarında baş verən yanğında zərərçəkən sahibkarlar yenidən aksiya keçirir. 

Qaynarinfo xəbər verir ki, sahibkarlar zərərçəkənlərə heç bir qurumun dəstək olmadığını bildirir.

Sahibkarlar onlara konpensasiya ödənilməsini, biznes üçün götürdükləri kreditlərin bağlanmasını və şirkətlərə borcların qarşılanması üçün dəstəyin göstərilməsini istəyir.

Aksiya iştirakçıları ilə görüşən Binəqədi rayon İcra Hakimiyyətinin başçısı Elxan Allahverdiyev hadisənin araşdırıldığını, sığortanın olmadığı halda ödənişin çətin olacağını bildirib. Bazarda isə heç bir sahibkarın sığortası yoxdur.

Zərərçəkənlər bu gündən evlərinə getməyəcəklərini və gecəni Bakı-Sumqayıt yolunun kənarında, yanmış bazarın qarşısında keçirəcəklərini bildiriblər.



Miq.Az



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az