İcra Hakimiyyəti 300 itlə bağlı Bakı meriyasına müraciət etdi

İcra Hakimiyyəti 300 itlə bağlı Bakı meriyasına müraciət etdi

Bu gün Xəzər Rayon Məhkəməsində Xəzər Rayon İcra Hakimiyyətinin (RİH) başçısı Gülağa İslamovun rayon ərazisində 300-ə yaxın sahibsiz it saxlayan Eldar Mansurova qarşı iddia ərizəsi üzrə məhkəmə iclası davam etdirilib.

Miq.Az "Report"a istinadən xəbər verir ki, hakim Əkrəm Qəhrəmanovun sədrliyi ilə keçirilən prosesdə Xəzər RİH-in nümayəndəsi çıxış edib.

O, Bakı Şəhər İcra Hakimiyyətinə müraciət ünvanlandığını bildirib. Nümayəndə söyləyib ki, RİH müraciətində sahibsiz itlər üçün Qala qəsəbəsində 30 sot torpaq ayrılması üçün Bakı Şəhər İcra Hakimiyyətindən xahiş edib.

Bakı Şəhər İcra Hakimiyyətinin nümayəndəsi isə deyib ki, həmin müraciətlə tanış olmayıb və o, məhkəmədən vaxt istəyib.

Cavabdeh tərəf E.Mansurov isə həmin torpaq sahəsi ilə tanış olandan sona fikir bildirəcəklərini qeyd edib.

Proses noybarın 7-dək qədər təxirə salınıb.

Xatırladaq ki, Xəzər RİH-nin başçısı G.İslamov iddia ərizəsində qeyd edib ki, Mərdakan qəsəbəsində bir qrup şəxs İcra Hakimiyyətinə müraciət edərək E.Mansurov adlı şəxsin həmin qəsəbənin R.Cəfərov küçəsi, ev 2 ünvanında 300-ə yaxın sahibsiz it saxladığını bildiriblər.

Miq.Az



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az