Çin alimlərindən önəmli kəşf: Yer planeti 24 saat günəş işığı ilə təmin olunacaq

Çin alimlərindən önəmli kəşf: Yer planeti 24 saat günəş işığı ilə təmin olunacaq

Çin kosmosa yeni "süni Ay" peyki yollayacaq.


Miq.az yenicag.az-a istinadən xəbər verir ki, bu barədə məlumatı Sinxua agentliyi yayıb.

Məlumata görə, ölkənin cənubundakı Sişuan əyalətinin Çinqdu şəhərində hazırlanacaq peykin müəyyən hissələrinin tikintisi 2020-ci ilə qədər başa çatacaq. Peyk günəş işığını Yer planetinə əks etdirmək üçün böyük güzgülərlə təchiz olunacaq.

Sözügedən peykdən 3 ədəd istehsal olunacağı bildirilir. Peyklərin 2022-ci ildə kosmosa göndərilməsi planlaşdırılır.

Çin Elmi Tədqiqat İnstitutundan bildirilib ki, peyklərə nəhəng güzgülər yerləşdiriləcək və bu peyklər 24 saat ərzində Yer planetində davamlı işıqlanmanı təmin edəcək.

 

Peykin Yer planetinə 500 km uzaq məsafədə yerləşdiriləcəyi bildirilib. Bununla da günəş işığının şiddəti nizamlanacaq və insanlar peyki adi bir ulduz kimi görəcək.

Sözügedən peyklərin təsərrüfat məqsədli qurulduğunu bildirən Çin rəsmiləri, bununla da elektrik enerjisinə maksimum dərəcədə qənaət edilməsinə nail olunacağını deyiblər. Eyni zamanda təbii fəlakətlərin baş verdiyi zonalarda elektrik enerjisinin məcburən kəsilməsi anında da peyklər vasitəsilə həmin nöqtələri işıqlandırmaq mümkün olacaq.

Çinlə yanaşı, Rusiya da daha əvvəl "süni Ay" proyektini sınaqdan keçirmiş, lakin müəyyən texniki nazaslıqlar səbəbilə müvəffəqiyyət qazana bilməmişdi.

 
Miq.az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az