Keçmiş xarici işlər nazirindən maraqlı paylaşım: "Deyəsən, qaqaşlar bizi dolayırlar..."

Keçmiş xarici işlər nazirindən maraqlı paylaşım:

Azərbaycan Xarici işlər naziri Elmar Məmmədyarov hazırda Bratislavada ATƏT-in Minsk qrupu həmsədrləri ilə görüş keçirir. Sabah da Zohrab Mnatsakanyanla görüşü olmalıdır. Bu görüşlər ərəfəsində keçmiş xarici işlər naziri Tofiq Zülfüqarov maraqlı bir şəkil paylaşıb. RF XİN rəhbəri S.Lavrovla E.Məmmədyarovun gülüşlərə qərq olduğu bu şəklin arxasında bizi gülüş olmasa da, ən azı təbəssüm gözləyirmi?

T.Zülfüqarovun "qaqaşlar bizi dolayırlar.., deyəsən” qısa statusunda bu təbəssüm hiss olunmur. Peşəkar diplomat yəqin Bakı görüşündən narazı qalıb və işğal olunmuş torpaqların azad olunması ilə bağlı hər iki nazirin konkret bəyanat verməməsinə bu yolla etirazını bildirib. 

Çox istərdik ki, Bratislavada səmimi gülüş olsun və 30 illik Qarabağ işğalına son vermək üçün konkret diplomatik addımların atılacağını millətimiz eşitsin, duysun. 

P.S. Amma, bizim nazir öz yerində, o adətən nəyəsə gülür, amma Lavrovun gülüşünün Azərbaycan üçün xeyir gətirəcəyi heç inandırıcı görsənmir. Deyəsən, yenə, nəsə fırlanır bu millətin başında.../moderator.az/

Miq.Az



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az