MSK yekun nəticələri açıqladı – İlham Əliyev 86.03% səs toplayıb

MSK yekun nəticələri açıqladı – İlham Əliyev 86.03% səs toplayıb

Azərbaycanda prezident seçkiləri ilə əlaqədar keçirilən səsvermənin növbəti ilkin nəticələri açıqlanıb.


"Report”un xəbərinə görə, Mərkəzi Seçki Komissiyasının (MSK) sədri Məzahir Pənahov keçirdiyi mətbuat konfransında deyib ki, ölkə üzrə 5 641 seçki məntəqəsindən hamısı MSK-ya hesabat verib, 3 milyon 962 min 96 səsvermə bülleteni sayılıb.

O bildirib ki, indiki nəticəyə əsasən, Yeni Azərbaycan Partiyası tərəfindən irəli sürülən İlham Heydər oğlu Əliyev 86.03% səs toplayıb.

Sonrakı yerlərdə namizədlərin yığdıqları səs üzrə faiz sıralaması belədir:

Öz təşəbbüsü ilə namizədliyi irəli sürülmüş Zahid Oruc – 3.11%,

Bütöv Azərbaycan Xalq Cəbhəsi Partiyasının sədri Qüdrət Həsənquliyev – 3.02%,

Azərbaycan Demokrat Partiyasının sədri Sərdar Cəlaloğlu – 3.03%,

Müasir Müsavat Partiyasının sədri Hafiz Hacıyev – 1.52%,

Azərbaycan Sosial Demokrat Partiyasının sədri Araz Əlizadə - 1.38%,

Milli Dirçəliş Hərəkatı Partiyasının sədri Fərəc Quliyev – 1.17%

"Cəbhəçilərin təşəbbüs qrupu" tərəfindən namizədliyi irəli sürülmüş Razi Nurullayev – 0.74%.

Xatırladaq ki, seçkilərdə ölkə üzrə olan 5 milyon 314 min 365 seçicidən 3 milyon 959 min 353 nəfəri (ümumi seçicilərin 74,51 faizi) səsvermədə iştirak edib.

 
Miq.az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az