Mübariz Mənsimov azərbaycanlı tələbələrlə görüşəcək – VAXTI VƏ YERİ

Mübariz Mənsimov azərbaycanlı tələbələrlə görüşəcək – VAXTI VƏ YERİ

2 iyun 2022-ci ildə saat 14:00-da Türkiyənin İstanbul şəhərində yerləşən "Palmali” Şirkətlər Qrupunun baş ofisində şirkətin prezidenti Mübariz Mənsimovla tələbələr arasında sertifikat və müqavilə imzalanması məqsədilə mərasim keçiriləcək. Bununla əlaqədar Mübariz Mənsimov tələbələri göstərilən vaxtda "Palmalinin” İstanbuldakı mərkəzi ofisinə dəvət edir.

Xatırladaq ki, "Palmali” Şirkətlər Qrupunun Türkiyədə təhsil alan azərbaycanlı tələbələr üçün elan etdiyi "Təqaüd Programı” üzrə seçim başa çatıb. Beləliklə, "Palmali”nin təqaüd verəcəyi 166 azərbaycanlı tələbənin adı artıq açıqlanıb. Qeyd edək ki, tələbələrin müraciətləri 15 mart – 31 aprel tarixlərində qəbul olunmuşdu. Azərbaycandan olan 1000 nəfərə yaxın tələbə təqaüd və təhsil haqlarının ödənməsinə kömək göstərilməsi, sosial vəziyyətlərinin çətin olması ilə bağlı şirkətə müraciət etmişdi. Belə ki, secilənlərin böyük əksəriyyəti Türkiyənin müxtəlif dövlət universitetlərində təhsil alan azərbaycanlı tələbələrdir. Vurğulamaq lazımdır ki, bu sosial layihə demək olar, hər il qardaş ölkənin müxtəlif təhsil ocaqlarında təhsil alan azərbaycanlı tələbələri əhatə edir.

"Palmali” Şirkətlər Qrupunun mətbuat xidmətindən verilən xəbərə görə, hazırki seçim əvvəlki təhsil ilini yüksək bal və dərəcələrlə başa vuranlar, şəhid ailəsi üzvü olanlar, Qarabağ müharibəsi qazilərinin yaxınları və ağır maddi durumda olan ailələrin övladları arasında aparılıb.

Qeyd etmək lazımdır ki, "Palmali” təqaüdünü qazanan bir neçə tələbəyə şirkətdə təcrübə keçmək imkanı yaradılacaq. "Palmali” Şirkətlər Qrupu 2022-2023 tədris ili üçün təqaüd qazanan tələbələri təbrik edir və təhsillərini uğurla başa vurub vətənə faydalı və peşəkar mütəxəssis olmalarını arzu edir.



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az