Ombudsman yerinə iki iddiaçı - vitse-spikerin də adı var

Ombudsman yerinə iki iddiaçı - vitse-spikerin də adı var

Azərbaycanın insan hüquqları üzrə müvəkkili (Ombudsman) Elmira Süleymanova yaxın günlərdə yola salınacaq.

Miq.Az xəbər verir ki, bu barədə Bakupost.az məlumat yayıb.

Bildirilir ki, önümüzdəki günlərdə ölkə rəhbərliyi E.Süleymanovanın yerinə yeni təyinatla bağlı təklif verəcək.

Məlumata görə, 82 yaşlı ombudsmanın yerinə iddialı şəxslərdən ikisinin adı bəllidir: Milli Məclisin vitse-spiketi Bahar Muradova və Konstitusiya Məhkəməsinin keçmiş sədri, Avropa İnsan Hüquqları Məhkəməsinin keçmiş hakimi, Konstitusiya Məhkəməsinin keçmiş sədri hakim Xanlar Hacıyev.

Qeyd edək ki, E.Süleymanovanın səlahiyyət müddəti 2017-ci martın 5-də bitib. Qanuna görə, yeni ombudsman seçilənə qədər E.Süleymanova səlahiyyətlərinin icrasına davam edə bilər.

Ombudsman seçkisi isə bu qayda ilə həyata keçirilir: Azərbaycan prezident bu vəzifəyə namizədin adını Milli Məclisə təqdim edir. Milli Məclis isə prezidentin təqdim etdiyi şəxsi səsverməyə çıxararaq qərar qəbul edir.

Miq.Az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az