Paşinyan Xankəndiyə niyə gəlmir? - İrəvandan AÇIQLAMA

Paşinyan Xankəndiyə niyə gəlmir? - İrəvandan AÇIQLAMA

II Qarabağ Müharibəsinə qədər Ermənistanın hərbi-siyasi rəhbərliyi müntəzəm şəkildə Azərbaycanın Qarabağ bölgəsində, xüsusən Xankəndi şəhərinə gəlirdi.
 
Modern.az Ermənistan KİV-nə istinadən xəbər verir ki, parlamentin bu gün keçirilən iclasında müxalifətdə olan "Ermənistan” fraksiyasının deputatı Aqvan Vardanyan baş nazirin müavini Suren Papikyana bu barədə sual verib: Paşinyan Xankəndiyə niyə getmir?
 
O, Ermənistan prezidenti, baş naziri və spikerinin 1 ildən çoxdur ki, Qarabağa getmədiklərini xatırladıb.
 
Baş nazirin müavini isə bu vaxta qədər Qarabağa bir çox dövlət məmurlarının səfər etdiyini xatırladıb. O lazım gələrsə, səfərlərin davam etdiriləcəyini deyərək, suala birbaşa cavabdan yayınıb.
 
II Qarabağ Müharibəsi 2020-ci il noyabrın 10-da Rusiya, Azərbaycan və Ermənistan liderlərinin üçtərəfli razılaşması əsasında dayandırılıb. 
 
Bu razılaşmaya əsasən, Qarabağın Xankəndi, Ağdərə, Xocavənd, Xocalı, Əsgərən bölgələrinə hazırda müvəqqəti olaraq Rusiya sülhməramlıları nəzarət edir. Bununla yanaşı, həmin ərazilərdə erməni separatçı-terrorçu dəstələri də var.

Miq.Az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az