Putin-Ərdoğan görüşündə MÜƏMMALI ANLAR: Səhnəyə böyük bir masa gətirdilər və...

Putin-Ərdoğan görüşündə MÜƏMMALI ANLAR: Səhnəyə böyük bir masa gətirdilər və...

Rusiya prezidenti Vladimir Putin Ankara səfəri zamanı türkiyəli həmkarı Rəcəb Tayyib Ərdoğanla birgə "S-400” raket müdafiə sistemi razılaşmasını imzalamaqdan vaz keçib.

Publika.az-ın məlumatına görə, bu barədə Rusiya mediası xəbər yayıb.

Xəbərdə razılaşmanın imzalanmasından son anda vaz keçildiyi bildirilib. İki ölkə lideri arasında keçirilən görüşdə ilk sürpriz ikili təmasın gözləniləndən qısa keçməsi olub. Ruslar heyətlərarası görüşün tez başlayacağını gözləməyib. Ancaq onlar qısa müddətdə görüş zalına dəvət olunublar. "Qazprom”un prezidenti Aleksey Miller isə zala qaçaraq daxil olub.

Daha sonra Putin ilə Ərdoğanın mətbuata açıqlama verəcəkləri zalda qəribə anlar yaşanıb. Səlahiyyətli nümayəndələr səhnəyə böyük bir masanı sürükləyərək çıxarıb və imza mərasimi üçün hazırlayıblar. Putin ilə həmkarının kürsüyə çıxmalarına dəqiqələr qalarkən isə həmin masa səhnədən götürülüb. Rus heyətindən bir nəfər masanın "S-400” razılaşması üçün gətirildiyini bildirib.

Jurnalistlərin sual verə bilmədiyi mətbuat konfransında Putin özü "S-400”lər haqqında detalları açıqlayıb. O, razılaşmanın Türkiyə tərəfinə lazım olan krediti açdıqdan sonra imzalanacağını deyib.

Miq.Az



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az