QDİƏT siyasi savaş meydanı olmamalıdır - Sergey Lavrov

QDİƏT siyasi savaş meydanı olmamalıdır - Sergey Lavrov
Qara Dəniz İqtisadi Əməkdaşlıq Təşkilatı (QDİƏT) siyasi dava-dalaş və haqq-hesab çəkmək üçün arena olmamalıdır.

Miq.az xəbər verir ki, bunu Rusiyanın xarici işlər naziri Sergey Lavrov QDİƏT Xarici İşlər Nazirləri Şurasının Bakıda keçirilən 39-cu iclasında deyib.
Nazirin sözlərinə görə, çox təəssüf ki, son vaxtlar Qara dəniz regionunda vəziyyət pisləşib: "Bu tendensiyanı aradan qaldırmaq və Qara dəniz bölgəsini sülh, sabitlik və çiçəklənmə zonasına çevirmək üzərində işləmək vacibdir".
Qeyd edək ki, QDİƏT-in 39-cu iclası bu gün Bakıda öz işinə başlayıb. Azərbaycanın 1 iyul - 31 dekabr 2018-ci il müddəti çərçivəsində QDİƏT-də sədrliyi "Bağlantılar vasitəsilə ticarətin gücləndirilməsi” şüarı altında həyata keçirilir. Sədrliyimizin əsas prioritetləri arasında QDİƏT məkanında səmərəli, etibarlı və təhlükəsiz nəqliyyat və tranzit xidmətlərinin göstərilməsi, kənd təsərrüfatının ixrac qabiliyyətinin artırılması və turizmin daha da inkişaf etdirilməsi xüsusi yer tutur.
 
Miq.az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az