Qəzaya düşən təyyarənin “qara qutu”ları ABŞ-a göndərilmədi

Qəzaya düşən təyyarənin “qara qutu”ları ABŞ-a göndərilmədi
İran qəzaya düşən Ukrayna təyyarəsinin "qara qutu”larını ABŞ-a məxsus "Boing” şirkətinə göndərməkdən imtina edib.

Bu barədə İran Mülki Aviasiya Təşkilatının rəhbəri Əli Abedzadə bildirib.

"Biz "qara qutu”ları istehsalçıya və amerikalılara verməyəcəyik”, -deyə o, bəyan edib.

Abedzadə İranın hələ uçuş qeydlərini şifrəsinin açılması üçün göndəriləcəyi hər hansı ölkəni seçmədiyini ifadə edib. Həmçinin o, "qara qutu”lardakı məlumatların təhlili tamamlanana qədər qəzanın səbəbinin açıqlanmayacağını da söyləyib.

Qeyd edək ki, Ukrayna Hava Yollarına məxsus "Boing-737” tipli təyyarə bu gün səhər saatlarında Tehranın İmam Xomeyni adına beynəlxalq hava limanında qəzaya düşüb.

Göyərtədə 167 sərnişin və 9 ekipaj üzvü olub. Sağ qalan olmayıb.



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az