Rus sülhməramlılarından tələb: Separatçıların “bayraqlar”ı yığışdırılır

Rus sülhməramlılarından tələb: Separatçıların “bayraqlar”ı yığışdırılır

Azərbaycan ordusu dünən Xocavəndin Cütçü kəndi istiqamətində irəliləyib.

Miq.Az xəbər verir ki, bu barədə sözügedən kənddəki separatçıların rəhbəri Lernik Avanesyan məlumat verib.

O, Azərbaycan hərbçilərinin neytral ərazilərdə mövqe tutduqlarını bildirib.

Avanesyanın sözlərinə görə, Azərbaycan hərbçiləri təxminən 1200 metr irəliləyib. Separatçılar bu barədə Rusiya sülhməramlılarına məlumat verib.

Məlumatda rusiyalı general Yeqorovun Azərbaycan hərbçiləri ilə danışıqlar apardığı bildirilib.

Qeyd edilib ki, kəndlə ən yaxın Azərbaycan postu arasındakı məsafə təxminən iki kilometr yarımdır.

O, həmçinin azərbaycanlıların "Artsax bayrağı”nın separatçıların hərbi postlarından, eləcə də Amaras monastırından çıxarılmasını tələb etdiklərini söyləyib. Qarşıdurmanın qarşısını almaq üçün rus hərbçiləri qondarma bayrağı Ermənistan bayrağı ilə əvəz etməyi təklif ediblər.

Artıq bununla bağlı monastıra məlumatın verildiyi bildirilib.

Miq.Az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az