“Öz işinlə məşğul ol, Türkiyədəki seçkilərlə yox” – Yıldırm ABŞ-a

“Öz işinlə məşğul ol, Türkiyədəki seçkilərlə yox” – Yıldırm ABŞ-a
Türkiyənin Baş naziri Binəli Yıldırım ABŞ-a "öz işləri ilə məşğul olmağı” məsləhət görüb.

Trend-in məlumatına görə, bu açıqlama Vaşinqtonun Türkiyədə erkən seçkilərin təyin olunması ilə bağlı Ankaranın qərarını tənqid etməsinə cavab olaraq verilib.
Qeyd olunur ki, ABŞ Dövlət departamenti Türkiyədə davam edən fövqəladə vəziyyət fonunda azad, ədalətli və şəffaf seçkilərin keçirilməsinin çətin olacağı barədə açıqlama yaymışdı.
Buna cavab olaraq B.Yıldırım ABŞ-ı öz seçkilərinə diqqət verməyə çağırıb: "ABŞ-da hələ də seçkilərlə bağlı müzakirələr səngimir. Əgər amerikalılar özləri görmək istəyirsə, gəlib baxsın, Türkiyədə seçkilər şəffaf keçir, yoxsa yox”.
Xatırladaq ki, Türkiyədə erkən prezident və parlament seçkiləri bu il iyunun 24-ə təyin olunub.
 
Miq.az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az