Zakir Həsənovun bu sözləri Ermənistanı QORXUYA SALDI: müharibəyə GÜNLƏR QALIB

Zakir Həsənovun bu sözləri Ermənistanı QORXUYA SALDI: müharibəyə GÜNLƏR QALIB
Ermənistanın yeni baş naziri Nikol Paşinyanın Dağlıq Qarabağla bağlı sərsəm fikirlərinə Azərbaycanın müdafiə naziri Zakir Həsənovun sərt cavabı İrəvanda müharibə qorxusu yaradıb. Zakir Həsənov "düşmənin bu cür hərəkətləri qəbuledilməzdir və Azərbaycan Ordusu genişmiqyaslı döyüş əməliyyatlarına tam hazırdır”, - deyə bildirib.

Miq.az xəbər verir ki, Paşinyan mayın 9-da Azərbaycanın işğal edilmiş torpaqlarına səfəri zamanı Dağlıq Qarabağın danışıqlarda tərəf kimi iştirakının vacib olduğunu və buna çalışacaqlarını bəyan edib.

Erməni siyasi şərhçi Sarqis Artsruni yazır ki, Paşinyanın Qarabağı tərəf kimi göstərmək istəyi danışıqlar formatını dəyişdirməkdir və bu əslində müharibənin önünü açmaqla nəticələnə bilər: "Azərbaycanın müdafiə nazirinin ordunun genişmiqyaslı döyüş əməliyyatlarına tam hazır olduğunu bəyan etməsi də Bakının danışıqlar formatını qəbul etməyəcəyi və istənilən an əməliyyata başlaya biləcəyindən xəbər verir. Belə demək mümkünsə, Paşinyan Bakıya müharibə hüququnu verir”.

Erməni şərhçi qeyd edir ki, Dağlıq Qarabağda müharibənin başlanmasına günlər, yaxud həftələr qalıb.

"Biz təlaşa düşməməliyik, lakin prosesləri də diqqətlə izləməliyik. Çünki əsas məsələ Ermənistandakı inqilabın Moskvanın yanaşmasını dəyişdirib-dəyişdirmədiyidir. Moskva soyuqqanlılıq göstərir, amma bu, yeni taktika da ola bilər və bu taktika həyəcan doğurur”, - deyə o bildirib.
 
Miq.az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az