9-cu sinif şagirdinin ölümü niyə gizlədilir?

Məktəb inkar edir, Bakı təhsil isə hadisədən xəbərsizdir

“Vətəninfo.az”a məlumatlı mənbələrdən daxil olan məlumata görə, bir neçə gün bundan əvvəl Bakı şəhər Xətai rayonunda yerləşən 63 saylı orta məktəbdə ölüm hadisəsi baş verib. Verilən məlumatda qeyd edilir ki, hadisə məktəbin idman zalında baş verib və şagirdlər arasında baş verən qarşıdurma 9-cu sinif şagirdinin ölümünə səsəbə olub. Amma məktəb rəhbərliyi hadisənin böyüməməsi üçün bunun ürəkçatışmamazlığından baş verdiyi şəklində fikirlər formalaşdırmağa çalışıb..Bununla bağlı Bakı Şəhəri üzərə Təhsil İdarəsinin ictimaiyyətlə əlaqələr sektorunun müdiri Zəminə Əliqızı ilə əlaqə saxladıq. Z.Əliqızı  olmadığından, idarə işçilərindən birindən məsələyə aydınlıq gətirməsinə çalışdıq. İdarədən  adını verməkdən imtina edən sektor əməkdaşı  bildirdi ki, belə bir hadisə ümumiyyətlə baş verməyib:

“Məktəbdən əldə etdiyimiz məlumata görə, belə bir hadisə olmayıb. Sizə daxil olan informasiya yalnışdır”-deyə cavab verdi. Daxili İşlər nazirliyinin Mətbuat xidmətindən, eyni zamanda Bakı Şəhər Baş Polis idarəsindən isə məsələuə münasibət cətlərimiz baş tutmadı. 

Mirvari Nəcəf