ABŞ Suriyada bizimlə əməkdaşlığı dayandırmaq istəyir.

 

Axar.az xəbər verir ki, bu sözləri Rusiya Federasiya Şurasının Müdafiə və Təhlükəsizlik Komitəsinin sədr müavini Frans Klinçeviç Baltik gərginliyinə münasibət bildirərkən deyib.

 

Onun sözlərinə görə, ABŞ Baltik dənizində baş verən hadisələrdən sonra Rusiyaya təzyiq etməyə çalışır:

 

"Doğrusu, bölgədə daha əvvəl də bənzər hadisələr meydana gəlmişdi. Ancaq demək olar ki, heç vaxt bu qədər sərt reaksiya olmamışdı. Nə ABŞ tərəfindən, nə də bizdən. Bu işdə başqa bir şey olduğundan qətiliklə əminəm. Qorxuram, ABŞ Baltik gərginliyini başqa sahələrə yönəltsin. Suriyada bizdən qlobal güzəşt gözləyə bilərlər. Yaxud, Suriyada bizimlə əməkdaşlığı ciddi şəkildə dəyişdirməyi düşünə bilərlər”.