Alı Qocayev Vilyamın izlərini silir

Samux rayonunun yeni icra başçısı Alı Qocayev rayonda yenilənmə işlərinə başlayıb.

“Vətəninfo.az”a daxil olan məlumata görə, A. Qocayev eks-icra başçısı Vilyam Hacıyevdən qalan xatirələri bir-bir silir. İcra başçısı vaxtı ilə Vilyam Hacıyevin altı bəzək üstü təzək şəkildə “abadlaşdırdığı” obyektləri yerlə-yeksan edərək, Samuxun tarixi memarlığına uyğun şəkildə yenidən bərpa etdirir.
Qeyd edək ki, uzun illər V.Hacıyev Samuxda fəaliyyət göstərsə də, rayon əhalisi heç bir zaman ondan razı olmayıb. Daha çox yığmağı özünə rəva bilən V.Hacıyev rayondan çıxdıqdan sonra yeni icra başçısı əhalinin fikirlərini nəzərə alaraq rayonda yeniliklər edir. O, Vilyam Hacıyevdən qalan nə varsa, süpürüb atır.