Azərbaycan XXI Beynəlxalq Kitab Festivalında təmsil olunacaq

Vətəninfo.az  APA-ya istinadən xəbər verir ki, aprelin 24-27-də Macarıstan paytaxtı Budapeşt şəhərində XXI Beynəlxalq Kitab Festivalı keçiriləcək.
Məlumata görə, stendimizdə dövlətçiliyimizə, tariximizə, Qarabağa, zəngin mədəniyyət və incəsənətimizə dair, həmçinin ölkəmizin turizm imkanlarını təbliğ edən Azərbaycan, ingilis, rus, alman və fransız dillərində nəşr edilən nəfis tərtibatlı çap məhsulları təqdim olunacaq.
Beynəlxalq kitab sərgisində ölkəmizin zəngin mədəniyyətinin, kitab sənətinin, habelə 2015-ci ildə Bakıda keçiriləcək I Avropa oyunlarının təbliği məqsədilə Mədəniyyət və Turizm Nazirliyinin Nəşriyyat, reklamın təşkili və informasiya şöbəsinin nəşriyyat sektorunun müdiri Çingiz Əlioğlu və mətbuat katibi İntiqam Hümbətov Budapeştə səfər edəcəklər.

Vətəninfo.az