Miq.Az xəbər verir ki, bu barədə Unikal.org-a Bərdə rayon İcra Hakimiyyəti başçısının müavini - İctimai-siyasi və humanitar məsələlər şöbəsinin müdiri Fəqət Şadlinskaya məlumat verib. O bildirib ki, artıq uşaqların anası tapılıb.

Azyaşlıların anası Qazax rayonunun Kəmərli kənd sakini Aslanova Yeganə Məhəmməd qızıdır. Hazırda Bərdə rayon Polis İdarəsinin əməkdaşları hadisənin səbəblərini araşdırır.

Qeyd edək ki, ötən gün Bərdə rayonunda yolun kənarından bacı-qardaş olan 2 azyaşlı uşaq tapılıb. Uşaqlar küçəyə anaları tərəfindən atılıb.

Yerli sakinlərin sözlərinə görə, körpələr tapılan zaman baxımsız vəziyyətdə olublar.