Azərbaycanda GMO məhsullarını yoxlamaq üçün laboratoriya varmı? — Ekspert rəyi

Azərbaycanda GMO bitkiləri bilə-bilə idxal edənlər 2 il azadlıqdan məhrum ediləcəyi ilə bağlı Prezient İlham Əliyev sərəncam imzaladı.

Bəs bu bitkilərin Azəraycan şəraitində analizi hansı şəkildə aparılır?
Azad İstehlakçılar Birliyinin sədri Eyyub Hüseynov Ölkə.az-a açıqlamasında deyib ki, Azərbaycanda hələ ki, laboratoriyalar susur:
"Həmin laboratoriyalar kiminsə verdiyi analizi dəqiq yerinə yetirmək iqtidarında deyil. Hələlik bu sahədə heç bir hüquqi nəticə əldə olunmayıb".
Tibb elmləri doktoru, professor Adil Qeybulla Ölkə.az-a dövlət başçısının imzaladığı sərəncamın mühüm addım olduğunu bildirib:
"Burada təkcə geni dəyişdirilmiş deyil həm də tərkibində zərərli qida əlavələri olan konservləşdirilmiş məhsullar da var. Misalçün Rusiyada bu qidaların ölkəyə idxalı qadağan olunub. Qeyd etdiyim məhsulllar çox miqdarda qəbul olunduqda orqanizmdə zərərli maddələr toplanır və xərçəng xəstəliyi yaranmasına səbəb olur. Buna göə də Azərbaycanda ərzaq bazarına bütövlükdə baxılmalıdır. GMO məhsullarının idxalı ilə bağlı məhdudiyyətlərin olması müsbət addımdır. Yaxşı olardı ki, Azərbaycanda daxili bazar inkişaf etdirilsin".

Vətəninfo.az