BAK “Amsterdam City of World” sərgisinə dəvət alıb

Bünilüks Azərbaycanlıları Konqresi 2012-ci ilin yayında paytaxt Amsterdam şəhərində keçiriləcək “Amsterdam City of World” – “Amsterdam bir dünya şəhəridir” adlı sərgiyə dəvət alıb.

Diasporla İş üzrə Dövlət Komitəsindən “Vətəninfo.az” a verilən məlumata görə, sərgi qədim Kraliyyət kilsəsi olan “Oude Kerk” protestant kilsəsində keçiriləcək. Benilüks Azərbaycanlıları Konqresi sərginin təşkilat komitəsinə məktub yazaraq ölkənin azərbaycanlı icmasını bu mötəbər tədbirə dəvət etdiklərinə görə təşəkkürünü bildirib və sərgidə iştirak edəcəyini təsdiqləyib. Məktubda azərbaycanlıların Hollandiya cəmiyyətinə uğurla inteqrasiya olunduqları, ölkədə məskunlaşmış digər icmalarla birlikdə yaşadıqları ölkənin dəyərlərinə hörmət və ehtiramla yanaşdıqları qeyd olunub.

Ölkədə yaşayan azərbaycanlı icmasının “Amsterdam City of World” sərgisində iştirakı və bununla əlaqədar sənədlər Amsterdam şəhər bələdiyyəsinin arxivində saxlanacaq.

Mirvari Nəcəf