Bu arada Moskvada təyyarə ilə baş vermiş insident üzrə cinayət işi qaldırılıb. Rusiya KİV-in məlumatına görə, təyyarə Bakıdan reyslər yerinə yetirirmiş. Qəza nəticəsində biznes-jetə ziyan dəyib. Təyyarənin bortunda üç sərnişin və iki nəfər ekipaj üzvü olub, xəsarət alan yoxdur.

"Cinayət işinin araşdırılması zamanı hava gəmisinin və uçuş-enmə zolağının texniki vəziyyəti hərtərəfli yoxlanılıb, həmçinin ekipajın və yerüstü xidmətlərin hərəkəti qiymətləndirilib”, – İstintaq Komitəsinin nümayəndəsi bildirib.

Bəzi məlumatlara görə, qəzaya təyyarənin şassisinin qırılması səbəb olub.

Qəza səbəbindən aeroport fevralın 26 və 27-nə aviareyslərin cədvəlini dəyişməyə məcbur olub. Çünki uçuş-enmə zolağı bağlı qalıb.

Turan-ın AZAL və Silk Way-dən şərh almaq cəhdləri nəticəsiz qalıb. Şirkətlər özləri isə hər hansı bəyanatla çıxış etməyiblər.

Qeyti-rəsmi məlumatlara görə, təyyarə hansısa biznesmenə məxsus olub.