Belarus Ukraynaya elektrik enerjisi ixrac etməyə hazırlaşır

Belarus 2015-ci ildə elektrik enerji ixracını iki dəfə artıraraq qonşu Ukraynaya enerji ixrac etməyə hazırdır. 

Publika.az-ın məlumatına görə, Belarusun energetika naziri Vladimir Potupçik fevralın 26-da keçirdiyi mətbuat konfransında deyib. O bəyan edib ki, bütün işlər planlaşdırılan kimi davam etsə, 2015-ci ildə Belarusun elektrik enerjisi ixracı 2014-cü ildəki 500 milyon kilovat-saatdan 1 milyard kilovat-saata qaldırıla bilər.

Xatırladaq ki, hazırda Ukrayna elektrik enerjisinin çox böyük hissəsini Rusiyadan idxal edir.