Belçikanın hava məkanı bağlandı

Bu gün Belçikanın hava məkanı yerli vaxtla saat 22-də sərt iqtisadiyyat siyasətinə qarşı ümumi tətil keçirilməsi ilə əlaqədar uçuşlara 24 saat bağlanacaq.

Publika.az xəbər verir ki, bu barədə Belçikanın hava nəqliyyatına nəzarət dispetçer xidməti məlumat yayıb.

Belçikalılar yeni hakimiyyətin büdcə xərclərini azaltmasından və vergi siyasətinə düzəlişlər etməsindən narazıdır. Bu, krallığın iqtisadi cəhətdən fəal əhalisinin üçdə ikisinin alıcılıq qabiliyyətinə mənfi təsir göstərib. Həmkarlar İttifaqları, həmçinin vergi yükünün və pensiya yaşının artırılmasına da etiraz edirlər.