Bu gün Heydər Əliyev Mərkəzinin açılışı olacaq - ÖZƏL

Bu gün saat 18:00-da Heydər Əliyev Mərkəzinin açılışı olacaq.

“Vətəninfo.az”ın məlumatına görə, açılış mərasiminə prezident İlham Əliyev və xanımı Mehriban Əliyeva, millət vəkilləri, dövlət rəsmiləri qatılacaq.

Qeyd edək ki, sözügedən Mərkəz Heydər Əliyev prospektində, inşa edilib. Memarı dünya şəhrətli memar Zaha Hadiddir. Tikintisinə 2007-ci ildə başlanıb. Mərkəzin ümumi sahəsi 15,25 hektardır. Onun 2 hektarını əsas bina və digər tikililər, 13,25 hektarı landşaft ərazisidir. Heydər Əliyev Mərkəzi bir məkanda yerləşən və bir-biri ilə bağlı olan üç əsas strukturdan ibarətdir. Kompleksin ümumi mərkəzi 57 min kvadrat kilometrdir. Struktura muzey, 10.854 kvadrat metr sahəsi olan mədəni irs mərkəzi 985 nəfərlik konfrans zalı, 27.880 kvadrat metrlik çoxfunksiyalı zal, kitabxana və 12.920 kvadrat metrlik media mərkəzi daxildir. 

Könül İbrahim