Bu gün "Total"a yeni prezident seçiləcək

Moskvada təyyarə qəzasında həlak olmuş Kristof de Marjerinin rəhbəri olduğu Fransanın “Total” neft-qaz korporasiyasının Direktorlar Şurası bu gün keçirəcəyi təcili iclasda şirkətin yeni prezidentinin seçilməsini planlaşdırır.

 Vətəninfo.az xəbər verir ki, Bu barədə “Wall Street Journal” şirkətdəki mənbəsinə istinadən xəbər verir.

Bununla yanaşı, iclasda şirkətin icraçı direktoru ilə Direktorlar Şurasının sədri vəzifələrinin bölünməsi haqqında qərar çıxarıla bilər.

Qeyd edək ki, “Total” şirkətinin icraçı direktoru postuna əsas iddiaçılar Neft emalı və neft kimyası şöbəsinin müdiri Patrik Puyanne və hazırda Marketinq şöbəsinə rəhbərlik edən Filipp Buassodur. Direktorlar Şurasının sədri vəzifəsinə 2010-cu ildə bu postu tutmuş Tyeri Desmare qayıda bilər.