Böyük Britaniya şahzadəsi Uilyamın oğlunun şərəfinə sikkə buraxılıb

Böyük Britaniya şahzadəsi Uilyamın oğlu 2 yaşlı Corcun şərəfinə sikkə buraxılıb. Buraxılan sikkələr Corcun ad günü münasibətilə 5 poundluk xatirə pulu kimi kəsilib.

AZƏRTAC xarici KİV-lərə istinadla xəbər verir ki, təkcə 7500 nümunə kəsilən pulun hər birinin dəyəri 80 funt sterlinqdir. İyulun 22-də bazara daxil olacaq pulların bir üzündə kraliça Yelizaveta, digər üzündə isə ata minmiş halda əjdahanı öldürən şahzadə Corc var.

Qeyd edək ki, Kristofer Le Brun adlı ingilis sənətkarının hazırladığı cəngavər şahzadə Corcu təmsil edir. Şahzadə Uilyam və xanımı Keyt Middltona təqdim olunan sikkə kral ailəsi tərəfindən bəyənilib.

Vətəninfo.az