“Dəli Domrul” Dövlət Pantomima Teatrında

Azərbaycan Dövlət Pantomima Teatrının səhnəsində "Kitabi-Dədə Qorqud” dastanının eyni adlı boyu əsasında səhnələşdirilmiş "Dəli Domrul” tamaşasının premyerası keçiriləcək.

Vətəninfo.az AZƏRTAC-a istinadən bildirir ki, "Kitabi–Dədə Qorqud” dastanının ən xoş, ürəyəyatımlı, maraqlı və pozitiv qəhrəmanlarından olan Dəli Domrulun və digər qəhrəmanların tamaşaçılarla görüşü oktyabrın 24-də baş tutacaq.

Tamaşanın quruluşçu rejissoru, Əməkdar İncəsənət Xadimi, teatrın baş rejissoru Bəxtiyar Xanızadə, quruluşçu rəssamı Sənubər Səmədova, musiqi tərtibatçısı isə Elman Rəfiyevdir.

Tamaşada rolları teatrın aktyorları Elnur İsmayılov, Əli Əlizadə, Səbirə Həsənova, Solmaz Bədəlova, Rafiz Mehdizadə və Nurlan Rüstəmov ifa edəcəklər.