"Milli Məclis təkcə qanunverici orqan deyil, həm də ümid qapısıdır. Hətta sizdən (hökümət üzvlərindən) üz döndərənlər bizə üz tuturlar. Bunlar bizə yönəlir. Biz qanunların qəbulunda iştirak edə bilirik, bizim əlimizdə mexanizm, qanun, qərar var ki, problemləri həll edək. Bizə gələnlər o xalqın nümayəndələridir ki, siz onun hüzuruna gedirsiniz, rayonlarda görüş keçirirsiniz. El arasında bizə xalq elçiləri deyirlər, bunun üçün sizin telefonlarınız, qapınız, özünüz bizim üzümüzə açıq olmalısınız. Burada təzad var. Qapıları taybatay açıq olan da var. Qapı da var ora quş gəlsə qanada salar”

 

 "Kim deyə bilər ki, BŞİH başçısı hər hansı məsələni həll etmək, görüşmək, söhbət etmək mümkündür. Kim desə Ginnesin rekordlar kitabına adını yazdırsın. Bu iş üslübunda olan bizim digər məmurlarımız da var. İki yol var. Bunu poetik dillə desək, "Əsli Kərəm” dastanında Kərəmin gününə düşmək. Bu, özünə hörmət, mandatına hörmət deyil. Bir yol var, dövlət başçısının "Azərbaycanda toxunulmaz adam yoxdur, məmur xalqın xidmətçisidir” çağırışına qoşulmaq, davranışı ilə cəmiyyətə gözdağı çəkən bu uğurları gözdən salan, bu hökümətin yandırdıqlarını piləyib söndürən, ortada yeyib qıraqda gəzənlərdən olmamaq. Bu gün dünyadakı geosiyasi vəziyyət bu niyyətlər qarşında güclü olmağı bizdən tələb edir.”