Deputatların Avropa Parlamentinə girişi məhdudlaşdırıla bilər

Rusiya Dövlət Duması və Federasiya Şurasının deputatlarının Avropa Parlamentinə girişi məhdudlaşdırıla bilər.

Bu barədə “TASS” AP sədri Martin Şultsun aparatındakı mənbəyə istinadən məlumat yayıb.
 “Rusiya Dövlət Duması və Federasiya Şurasının deputatlarının Avropa Parlamentinə girişinə dair sorğularına fərdi şəkildə baxılacaq”, deyə mənbə bildirib. 
 Bundan başqa, Avropa Parlamentinin Aİ-Rusiya parlamentlərarası əməkdaşlıq komitəsinin işində iştirakı dayandırılacaq. 
 Qeyd edək ki, bundan əvvəl Moskvanın Avropa İttifaqına qarşı tətbiq etdiyi “qara siyahı”ya cavab olaraq Rusiyanın Aİ-dəki daimi nümayəndəsi Vladimir Çijovun Avropa Parlamentinə azad girişi məhdudlaşdırılıb.

APA