"Qeyd edim ki, Ermənistan "İsgəndərM" raket kompleksini Qarabağda yerləşdirib. Məhz Erməni rəhbərliyi, bu addımı atmaqla Azərbaycanı aktiv hücumlarıdan  çəkindirici amil kimi istifadə edir. İşğalçı qüvvələr əmindilər ki, yeni toqquşma Azərbaycanın tam əzici üstünlüyü ilə davam edəcək. "İsgəndər-M" raket komplekslərinin Qarabağda yerləşməsi ilə bağlı olaraq,  Azərbaycan bununla bağlı Rusiyadan izahat tələb etməlidir.  Çünki, Rusiyanın Ermənistana verdiyi  belə bir silahların işğal olunmuş ərazilərdə yerləşdirilməsi yolverilməzdir. Hazırda, bu raket kompleksinin idarə etmə pultu rus hərbiçilərindədi. Bu, o deməkdir ki, bu raket kompleksini idarə etmək üçün Rusiyanın 102-ci bazasının hərbiçiləri Azərbaycan ərazisində mövqelənib. Bundan əlavə, Qarabağda Ermənistanın diversiya və kəşfiyyat bölüklərini Rusiya hərbiçiləri hazırlayaraq, bölmələrimizin üzərinə təxribata göndərir."-deyə politoloq açıqlamasında bildirdi.

"Bir neçə aydır ki, cəbhə xəttində atəşkəs mütəmadi olaraq pozulur.  Hesab edirəm ki, atəşkəsin qorunub saxlanması, Ermənistanın maraqlarına cavab verir. Azərbaycan ordusu işğalçı qüvvələrin ön xəttə möhkəmlənməsinə imkan verməməlidir.  Artıq, danışıqların perspektivləri tükənib.  Rusiyada çalışır ki, cəbhədə nisbi sakitliyi bərpa etmək üçün yenidə, Moskvada danışıqlar prosesinə strat versin. Üç gündür ki, Ermənistan XİN rəhbəri Eduard Nalbadyan Moskva səfərindədir. Və, bu səfərdə məqsəd Qarabağ münaqişəsinin müzakirə olunması, ardınca Azərbaycanın XİN rəhbərinin dəvət olunması,  Rusiyanın növbəti şousudur. Rusiya öz qonşularında münaqişələri alovlandırmaq və status-kvonu saxlamaqla regionun  Qərbə inteqrasiya siyasətinin qarşısını almağa hesablayıb. Xüsusilə Azərbaycan Rusiyanın Moskva görüşündən nikbin olmadığı üçün müzakirələrdə həvəsli deyil. Demək olar ki, Moskva danışıqları imitasiya xarakteridir. Rusiyanın təklifləri paket həlldi və öz "sülhməramlı" qüvvələrini Qarabağda yerləşdirməkdən ibarətdir."