“Eurovision”un Azərbaycana təsiri iyunda məlum olacaq”

“Azərbaycan Turizm İnstitutu hazırda Eurovision Mahnı Müsabiqəsinin Azərbaycanın imicinə və iqtisadiyyatına təsiri mövzusunda tədqiqata başlayır”

Bu sözləri “Vətəninfo.az”a açıqlamasında İnstitutun Tədris işləri üzrə prorektoru Eldar Aslanov bildirib.
Onun sözlərinə görə, tədqiqat Azərbaycanda və Avropada aparılacaq:
“Hazırda yeni layihə hazırlanıb. Və layihədə Vyana Universitetinin ekspertleri də iştirak edəcək”.
Prorektor bildirib ki, belə müsabiqələrin yalnız iqtisadi təsirini hesablamaq düzgün deyil. Çünki, bu cür tədbirlərin pullla ölçülə biləcək sosial, siyasi, ictimai təsiri vardır. O, vurğulayıb ki, əgər biz ölkəmizi tanıtmaq üçün bir Avropa ölkəsində olan televiziyaya əsas vaxtda 1 saatlıq Azərbaycanı təbliğ edən filmi nümayiş etdirməyi təklif etsək, bunun üçün həmin TV bizdən milyonlar istəyəcək. Lakin bu müsabiqəni dünyanın ən populyar onlarla kanalı canlı efire verəcək:
“Ona görə də, tədbirin birbaşa iqtisadiyyata təsiri ile paralel, ölkənin təbliği üçün də nə qədər xərclərdən bizi azad etdiyini de hesaba qatmaq lazımdır”.
Eldar Aslanov onu da əlavə etdi ki, tədqiqat “Eurovision” həftəsində və ondan 1 həftə sonra aparılacaq. Və nəticələr iyun ayının sonunda bəlli olacaq.

Mirvari Nəcəf