Flippini qasırğa cənginə alıb

Filippinin şərq sahilindəki Takloban şəhəri yenidən, bu dəfə "Hagupit" adı verilmiş qasırğanın zərbəsinə məruz qalıb.

Vətəninfo.az-ın məlumatına görə, yerli sakinlər fırtınanın nəhəng dalğalar qaldırdığını, ağacları yerindən qopardığını və şəhərdə elektrik naqilləriqini qırdığını xəbər verirlər. Qasırğa nəticəsində evlərin damı uçub, bir çox evlər yerlə yeksan olunub. Fırtınanın yaratdığı küləyin sürəti 210 кm/saat təşkil edir, sahil xəttinə bir neçə metrədək qalxan dəniz dalğaları çırpılır. Yerli əhali arasında ölənlərin olduğu barədə məlumatlar hələlik daxil olmayıb. Lakin, ölkənin şərqindəki bir neçə rayonla rabitənin tamamilə kəsildiyi bildirilir. Təbii fəlakətə görə yüzlərlə təyyarə uçuşu təxirə salınıb, dəniz nəqliyyat daşımalarına fasilə verilib.