Hansı marşrut xətləri bərpa olunacaq?

Avropa oyunları ərəfəsində istiqamətlərini dəyişən bəzi marşrut xətləri hələ də bərpa olunmayıb. Müvafiq qurum iki həftəyə vəziyyətin dəyişəcəyini bildirib.

Vətəninfo.az  ans-ə istinadən xəbər verir ki, I Avropa Oyunları ərəfəsində paytaxtın küçə və prospektlərində yarana biləcək tıxacların aradan qaldırlması məqsədilə Nəqliyyat Nazirliyi bir sıra tədbirlər həyata keçirib. Bu tədbirlərdən biri də paytaxtın Parlament prospekti istiqamətində hərəkət edən maşrut xətlərinin istiqamətinin dəyişməsidir. Baxmayaraq ki, oyunların bitməsindən xeyli vaxt keçib, həmin maşrutların istiqaməti yenidən bərpa olunmuyub.

Bir neçə aydır ki, davam edən bu vəziyyət sürücülərlə yanaşı sərnişinlərin də işini çətinə salıb. Məsələ ondadır ki, Parlament prospekti ilə hərəkət edən 18, 6 və 13 saylı marşrutlar yolunu dəyişərək, Mikayıl Müşviq küçəsi istiqamətində hərəkət edir.

Bu da həm yolun uzanmasına, həm də sərnişinlərin ya piyada getməsinə, ya da ki, bir neçə marşrut dəyişməsinə səbəb olur.

Sadalanan bu marşurutlardan yalnız 18 saylı marşrutun istiqaməti bərpa olunub. Elə sürücülər də yaranan bu vəziyyətdən məmnun deyil.

Sürücülərin sözlərinə görə, köhnə istiqamətdə də hərəkət edən zaman, nəqliyyat departamentinin müfəttişləri onlara qarşı cərimə tətbiq etməyə başlayır.