Hələ günah qayıqlarında

Ahəngyolu nəzəriyyəsinin yaradıcısı, Azərbaycanın tanınmış sosioloq alimi, şair Əhməd Qəşəmoğlunun saytımıza göndərdiyi şeirini təqdim edirik:

hələ günah qayıqlarında,

günah aləmində üzür insanlar....

günah – silah, silah-günah

hələ silahlar doğulur

günahlarından insanların....

hər silahın içində 

                        bir günah inadı

qanını axıdır insanların

viran qoyur yurd-yuvasını....

hələ günah qayıqlarında

günah aləmində üzür insanlar....

günah qədəh, qədəh-günah

qədəh-qədəh günah içir insanlar...

nəşəli başla oyun açırlar

bir birinin başına...

hələ günah qayıqlarında,

hiylə

qəhrəmanlıq kimi görünür gözlərinə,

kələyi ələk kimi tutub üzlərinə,

tor toxuyur biri birinə insanlar...

tora düşənin ağrısını

nəğmə kimi dinləyirlər...

kələyi çörək yerinə

bir-birinə yedirir insanlar,

qaranı ağ kimi, ağı boz kimi

bir-birinin əyninə geydirir insanlar...

günahların mayasından, nüvəsindən

nüvə adlı əjdaha doğulur

kəsir qarşısını insanların

insanların əməllərindən doğulan günahlar

gozə görünmədən

bürüyüb dünyanın hər yanını

bir vəlvələ salıb

insanlırın canına....

dünyanın əhvalına....