Hərbi hissədə güclü yanğın başlayıb

Dövlət Sərhəd Xidmətinin hərbi hissəsinin bazasındakı yanğın güclü partlayışla müşahidə olunub

Bu gün səhər saatlarında Qobustan rayonunda yerləşən Dövlət Sərhəd Xidmətinin hərbi hissəsinin bazasında yanğın baş verib.

Verilən məlumata görə, yanğın hərbi bazanın silah-sursat anbarında baş verib. Yanğının söndürülməsinə Fövqəladə Hallar Nazirliyinin Dövlət Yanğından Mühafizə Xidmətinin çoxlu sayda yanğınsöndürən maşınları və bir neçə helikopter cəlb olunub. Hazırda yanğın davam edir.

Hadisə şahidlərinin verdikləri məlumata görə, yanğın səhər saat 09:00 radələrində başlayıb. Yanğın bir neçə partlayışla müşahidə olunub. Təcili və Təxirəsalınmaz Tibbi Yardım Stansiyasından verilən məlumata görə, yanğın nəticəsində iki FHN əməkdaşı xəsarət alıb. Onlardan biri küt kəllə-beyin travması, dogəri isə tüstüdən zəhərlənməilə xəstəxanaya çatdırılıb.

Yanğın nəticəsində digər xəsarət alanlar barədə məlumat verilmir. Fövqəladə Hallar Nazirliyinin Dövlət Yanğından Mühafizə Xidmətindən faktla bağlı hər hansı məlumat verilmədi.

ANSPRESS