İBAD ÖZÜ QƏHRƏMANDI

Qarabağın Ağdam ərazisində üç dəfə ağır yaralanmış, sağlamlığını itirmiş döyüşçüsü - Vətən nisgilli şair Abdal Qəhrəman

Azərbaycanın qəhrəman oğlu İbad Hüseynov haqqında çox götür qoy elədim, onun qəhrəmanlığını qələmə almaq çətin olduğu qədər də şərəflidir. İbad Hüseynov haqqında düşündüm və gözlərimin önündən addım-addım dolaşdığım bütün Qarabağ gəldi keçdi. Qarabağ elə ibad deməkdir düşündüm....

Həsrət qaldı bülbül gülə,

Nəğmə düşdü dildən dilə.

Səs yayıldı oba-elə,

İbad özü qəhrəmandı!

Yeri-göyün talası da,

Yurdda qalan qalası da!

Dedi körpə balası da,

İbad özü qəhrəmandı!

Külə dönən Qaradağlı,

Əmirallılar elə bağlı!

Söyləyir hər Qarabağlı,

İbad özü qəhrəmandı!

Muğanlıdan gəldi bir səs,

O yerlərdə gördü hər kəs,

Şəhid yurdu çəkdi nəfəs,

İbad özü qəhrəmandı!

Yağı düşmən deyib gülməz,

İmansızlar deyib gülməz!

Qab görməyən onu görməz

İbad özü qəhrəmandı!

Nələr gördü görən gözü,

Şahid oldu Ergi düzü

Qəhrəman da dedi özü

İbad özü qəhrəmandı!

İbad bizim qəhrəmandı!!!

Bəli, İbad Dövlətimiz tərəfindən də, xalqımız tərəfindən də sevilən və seçilən qəhrəmandl!